مجموعة روعة من الزهيريات

مجموعة روعة من الزهيريات

على القلب كلمة توب بصخام وابرة وادك
دكيت بيه دكة ردي ماصير مثل واد
على الراح اعضن شفتي وعلى الكصة اغبك وادك
ياحيف حتى الاخو صايرلي كسرة عود
موصوجي صوج القب هو الي يكلي عود
كيفت لمن طحت اشتضن اجيلك عود
والله من ابيع الهدم عود ما اجي البابك وادك

****

كل اللي يجيـنـه عـليـنـه يـكثر أوعود
ولو على الكرسي كَعـد حضرله دف أوعود
يصبح نـديم أبشرابه والمسره أوعود
من يصحه من السكر ينطي الشعب منجزه
ذاك الوكت شوف يـبن الوطن منجزه
أيس من الحكـ أكـلك والوكت منجزه
أجـعـل التوقيف حصتـك روح عـنه أوعود

****

أي والخالق الكون يا من للرسل خاتمه
والطاعته جن وأنس يكدر أو حَي خاتمه
مطـبوع هـذه المثـل أيلوح السمه خاتمه
أنـبـيك أنـبـيك من عشرة فـتن بالعه
يـا من دلـيلي أبوداده مبـتلي بالعه
وأشـما أكـله يـكلي أبـلهجتـه بالعه
لا ترجي الخبر من شخصٍ ما حفظ { كمل }

****

أعـرف أشـما بـالبن اَنـه الـذي دايره
وأعرف أطوار القديمه والذي دايره
مـا يظل بـيت أعله وضعه مرتكز دايره
عـهـد السحر راح بـانوار الحقايق بطل
يـمعود أحسب حـسبك والخـيالك بطل
لتـأمن أمن الـدهر حـته لونك بطل
التـاريخ كـشاف وأفلاك الدهر دايـره

****

ليـش التعـزه أو توده أيصير ألك مارد
يـسعي أبتعـذيب حالك للكلب مارد
أبجي الشبابي الكضيته عليك ألي مارد
أسطور الموده أنطوت والَه الليالي محـن
حنيت الك بالوفه كلبك القاسي محـن
ياماعليك عليك اتعـبـت وأجرعت لجلك محـن
يمعــود أذكر تره غـير الوصل مارد

****

مـاتـنفحص جروح كلبي كثيره أبعيـد
وأتكلي عيـد النظـر لالا تجيني أبعيـد
الهوه أسكمني أو دَعـه ادموعي تهـل أبعيـد
كلساع ألي من جرح كلبي أعلـه خلي ونه
وأبكل مجان الحضرته أعلـيه أصبحن ونه
يرضالك الله ولـك يمـك حبيبك ونه
غـايب حبـيـب الكلب عـنـي بعـيـد أبعيـد

****

وحدة وما تفترق اشما الوكت حد سنــــــــة
قانون هاذ وبميزان العدالة سنـــــــــــــــــــة.
صحبة حضارة وعلم مو صحبة سنتين و سنـة
خل تسمع العذال هذا الخبر شيعـــــــــــــــة
و تابوت الفتنة للمكبرة يا صاح شيعــــــــــــة
سني واني افتخر لو صحبتي شيعــــــــــــة.
مثل العسل والنحل شيعة احنة وي سنــــة.

****

تعـرفـنـه الأصحاب لـو كالوا أبنخـوه نهـب
ونـصون وجه الصحيب وأله شـنملك نـهب
ذولـه الأصحاب اليهبونـه وألهم نهـب
كـل فـرد مـنهم يـرى الأنسان منه وبَـه
ماريد واحـد جَـشع حَـته أبـحديـثه وبـه
أضـخـم رصـيـد امتـلـك عـفه أو شهامه وبـه
ما أجـمـع الـمال مـن فايـض ومَسلك نـهـب

****

ياخوي عندي حمل فوك الجتف هادله
انطيه قلبي تره وحتى العمر هادله
وشو وكتي جاير علي حتى الهدم هادله
وما يوم مره الفرح يسري عله بابي ويمر
وحتى الحلو من اكله صار ابلهاتي يمر
الجان حدري كبل صاير يصيح ويامر
وكمت اني انخه علي هلبت يح هادله

****

اشكر الله من حبك طيباني
والمسك احلا منه طيب اني
لا تنشد شحالي طيب اني
ومسيت كلك حلم وبداخلي وهم
المن احبا بعد المن اعشك وهم
والفلم كله احترك وانا احترك وهم
كسرو خاطري ولا بضماد طيبوني