ديوان الدموع الناطقة للشاعر جابر الكاظمي الجزء الاول في قصائد الگعدة صرخة أنصار الحسين (عليه السلام)

ديوان الدموع الناطقة للشاعر جابر الكاظمي الجزء الاول في قصائد الگعدة
صرخة أنصار الحسين (عليه السلام)

نــــفديك يحـــــسين ** بــــالروح والـــــدم

والـــــتضحيه اليوم ** مــــوقف اتـــــحتــم

يــــحسين هـــــاي الثـــورة نتمناها ** ابـــعين الشهاده لكربله ارصدناها

مــــوقــــف اتـــحتم

* * *

انــــفتحت أبـواب النضال ورفرف اجناح السعاده

والجـــهاد أشـرف حديث وعن أبو اليمه استناده

وابجهاد الظـــلم نـــكسب أســــمى غايات العباده

احــــرار نــــبگه بـــــــكل زمن ** ومــــا نــــرضخ لعـــــابـد وثن

والــــديــــن لـــــو ركنه انرجن ** انـــــــشيّده بــــدم الشــــــهاده

احــــــرار احـــــرار ** والبــــاري يعـــــلم

صــوت النحر صاح ** مـــو لفـــــظه بالفم

هـــالصرخه مــن جوف النحر صحناها ** ابــــعين الشــــــهاده لكربله ارصدناها

مـــــوقــــف اتــحتم

* * *

احـــنه أحــــرار ونــــظل أحرار مثلك يبو اليمه

اشما الطاغي اعلينه جار وبالاحقاد ايزيد ظلمه

نـــقسم ابــــدم الكـــــرامه حــتماً لعرشه نهدمه

أنـــــصارك بــــــروح وعـــــدد ** وبدمنــــه نـــــبني المعتـــــــقد

والنــــحر لـــــو يـــــنسه العهد ** أيـــــذكّره بـــــهالعـــــــهد دمه

والــــوعد لــو حان ** والعــــالـــم اظـــــلم

نــــقمع الطــــــغيان ** وهــــيهات نــــهتم

النــــــه لـــــقاء بـــكربلا ويّاها ** ابعين الشهاده لكربلا ارصدناها

مــــوقـــــف اتـــــحتـــم

* * *

ليــــلة الظــــلم رهيــــبه وننـــــتظر طلعة فجرنه

بـــــكربلا لــــو صدر أمرك للحرب نفتح صدرنه

تـــوگف اصفوف القتال وللوغه انصافح سمرنه

بــــالطف نخـــــوض المــلحمه ** والنـــــحر لـــــو فــــاض بدمه

لنـــهـــــج الإســــــلام انترجمه ** لـــكل لغــــه اتــعايش عصرنه

والــــدمه لـــو سال ** للنـــــهج تــــرجـــم

اطـــروحـــة إيــمان ** للبــــشـــر قـــــــدّم

هــاي الشروح ابنهجك درسناها ** ابعين الشهاده لكربلا ارصدناها

مـــوقـــف اتحـــــتم

* * *

انـــــته قـــرآن الالــــه النـــــطق بأحكام البلاغه

تــــنطق ابــحق الجلاله وصاغك الخالق صياغه

تــــرجمانك مـــــن دمــــانه وللكفر نعلن ادماغه

نــــدمـــــغ ديـــاجير الكــــــــفر ** مـــــن تــــنرفع بيـــض وسمر

نـــــــنتظر اصــــــدار الأمــــــر ** وللحـــــرب نـــــملي فـــــراغه

أمــــرك المــــحتوم ** اصــــداره لـــــو تم

عـــن صـدر الإسلام ** ينــــزال كـــل هـــم

خـــوض المعارك بالوفه اشمحلاها ** ابعين الشهاده لكربلـــه ارصـدناها

مـــوقــف اتحــــــتم

* * *

كعـــــبة الأحــــرار انــــته واحنه للكعبه ضحيه

يـــــا مـــنار التضحيات الـــــــزهه بآفاق الثريه

بنــــــورك اتـــــنوّر گــــلبنه بـهالعقيده المبدئيه

يــــا مـــــصحف الحــق والعدل ** بمـــــنهج ودادك نـــــتــــــصل

مـــــا يــــوم عنـــــك نــــنفصل ** ابــــجنــــــتك آخـــــره ودنـــيه

واليــــثأر عــــــليك ** شيـــــطان مُـــــبرم

قــــاعده الشـــيطان ** بالحـــــجر يُــــرجم

وســــيـــوفنه ابـــهالأمر وصـّيناها ** ابعين الشهاده لكربله ارصدناها

مــــوقــــف اتـــحتم

* * *

انـــــته مدرسة الإلــــــه وبــيك تحريـك الضماير

وثـــورتك منــــهاج حـــق المؤمن العـالظلم ثاير

واحــــنه انـصارك وگبلك نفتدي بگــطع المناجر

واحــــنه انـــــذخرنه لثــــورتك ** نضحــــي الأرواح النــــصرتك

غـــــايتنه مــــن ســــر غــايتك ** وبـــــالحرب كـــــشف السرائر

بــــالدمه الفــــيّاض ** نــــكشف المبــــهم

وســــر الـنصر لاح ** والـــواعي يـــــفهم

مجمل أسرار النصر وضّحناها ** ابعين الشهاده لكربله ارصدناها

مــــوقــــف اتـــحتم

* * *

يــا حســين انصارك إحنه وبالحروب انزيل همك

انــــريد دمنــه يسيل بالطف من گبل ميسيل دمك

والنواظر تــــأبه تنــظر عالترب منصرع جسمك

گبـــــلك نضــــحي بـــكربلا

ونــــحرس حــــدود العايله

وگـــــطع النحر بالطف حله

مـــا نريد انشوف دمك يجـــــري بالطف گبل دمنه

* * *