ديوان الدموع الناطقة للشاعر جابر الكاظمي الجزء الاول في قصائد الگعدة راية الإيمان

ديوان الدموع الناطقة للشاعر جابر الكاظمي الجزء الاول في قصائد الگعدة

راية الإيمان


هـــالرايه مــــصـــــباح ** وليــــل الحــــرب جّــن

وابــــچــــف الإيـــــمان ** صــــار الهــــــا مسكّن

رايـــه ابسماء المعتـقد منشوره ** لبدر الهواشم من علي مذخوره

ولــــيل الحـــــــرب جن

* * *

رايــــه بــــالإيمان رفــــّت والعــزم بـــيها تطرّز

شـامخه بأوج المعالي وبالعدل صار إليـها مغرز

اتـــوالفت ويـــه بـطلها وصار إلـها ابچفه مركز

حــــاملها حيـــــدر للـــــــنـصر ** والفــــها مـــــن وقـــــعة بــدر

بـــــإيمانـــــه إلهــــــا مقــــتدر ** وغيـــره مـــن هـــالرايه يعجز

لــــو ردت بـــرهان ** ابخيــــبر تـــــبرهن

حــــملتها فــــرسان ** خــــايــــــبه بالظن

والـــــرايه ردت للنبي مكسوره ** لبدر الهواشم من علي مذخوره

ولــــيل الحـرب جن

* * *

غـــير حيــــدر ما حملـها ولا عجيد انطاها حگها

عشــــگت القـــــائد الــرايه وقائد الرايه عشگها

شمــــعته بيـــــــوم الحرايب وبنصر دينه علگها

مـــن حــــان تـــــسليــــم الذمم ** مــــن عــــلي العبــــاس استلم

رايــــته الســـــــادت عـــــالأمم ** وايــــــده لــــلرايه طـــــلگــها

مجــــمع كــــرامات ** بــــالــــرايه حـــفّن

وقــــائدها عــــباس ** بــــيها تـــــعـــنون

اتـــبسّم الدين برايته المنصوره ** لبدر الهواشم من علي مذخوره

ولــــيل الحـرب جن

* * *

ثــــلاثه وثـــمانــين غــــزوه حيدر امشيّد نصرها

رادهــــا تــواصل نصرها لچف گمر هاشـم ذخرها

ورادهـــا بــــيوم الحــــرايب بــالنصر تتـبع أثرها

ابــهالرايه يـــــدري حــيـــــدره ** يكــــفيها چــــــف الـــــذاخــره

بــــزود وجــــداره ومقــــــدره ** شـــبله يــــــتولّــــه أمــــــــرها

لــــهالرايه چــــفّين ** گـــــدرن يــــكــــفّن

بحــــملات الحروب ** للنــــصر ضـــــمنن

چــف حيدر وابنه الـيتابع دوره ** لبدر الهواشم من علي مذخوره

وليــل الحـــرب جن

* * *

التـــــزم عـــــباس القــــيــاده يا فخر أهل القياده

زم لــــوه إلاســـــلام بيده وما صفح عن اعتقاده

ســـــاميه تــــرفرف بإيده وضمن للرايه السعاده

رفــــــت علـــى صهــــوه رشد ** وبكربـــــــلا حـــــان العـــــــهد

قــــائـــــــدها بــــــالرايه استعد ** وللــــحرب هــــــيأ جـــــــهاده

جبـــــهـات الحروب ** بـــــالحرب صـــفّن

بچــــف گمر عدنان ** هــــالرايه عــــرفن

ترفــرف الرايه وبالمجد معموره ** لبدر الهواشم من علي مذخوره

وليــــل الـحرب جن

* * *

كـــربــــلا دارت رحــــــاهـا وحــان للعباس يومه

شـــــاهد گــــباله المـعاره وبالزلم ماجت الحومه

وابــــسمه المـــيدان شاف الكون متلبّده اغيومه

عـــــباس يـــــعبس بـــــالوغـه ** بــــــيمينه لــــــو رف بــيرغه

يــــدحر الـــــطاغي الـــلي طغه ** بالحـــــرب واضــــــحه علومه

واليــــحتمي بيـــــه ** گـــــلبه أيـــــــتأمن

واليــــثأر عـــــليــه ** مـــن خــوفه يحزن

يـــرجّف الكون بضربته المشهوره ** لبــــدر الهواشم من علي مذخوره

وليــــل الحـرب جن

* * *

ضـــــربة الــصارم تلوگ وتحله من چف الغضنفر

مــــن يــــلوح السـيف بيده بالوغه يرجّف العسكر

مـــن يشـن عالجيش حمله اتگول هذا الطلع حيدر

وســــط الحــــرايب مـــن وگف ** عـــن حيـــــدر أبـــــداً مختلف

لغـــــيومه بـــــالصارم كشـــف ** وزيــــنب مــــن تـــشوفه تستر

صــــاحت يــــعباس ** جــــفوني تـــــدمّن

وعــــيالــــــك اليوم ** ظـــــلن يـــــــــحنّن

ويــن اليطفّي گلوبها المجموره ** لـبدر الهواشم من علي مذخوره

وليــــل الحرب جـن

* * *

مــــن سمع زينب تنادي هاجت بجمسه الحماسه

غضـــب وأرعد من تمطّه وگطّع ارچاب الفراسه

صاح عـــــونچ يالعقيله ورايته ترف إعله راسه

وعــــينـــــاچ يـــــــا بت فاطمه ** لو أطـــــفي جـــــمرات الضمه

لــــو أتــــــرس الجــــود إبدمه ** واگــــطع الـــــــمي من أساسه

لازال العـــــيـــــــال ** بــــالعـــطش حسّن

مـــن ينضح السيف ** خــــل أيـــــتـــروّن

واگــطع الشاطي لو طلع من طوره ** لبــــدر الهواشم من علي مذخوره

ولــــيل الـحرب جن

* * *

گـــــمر هاشــــــم لاح مهره وامتلك ماي الشريعه

تــــرس جــــوده ورجع لاهف رايد يروّي الوديعه

والگــــدر جــــدامه حـومه وطاحت چفوفه گطيعه

مـــن الـگمر طاح العلم

وعيـــونه طفّاها السهم

مـــا گــدر يوصل للخيم

وظــــلت گلــــوب الفواطم ذايبه ابجمرة ضماها

* * *