ديوان الدموع الناطقة للشاعر جابر الكاظمي الجزء الاول في قصائد اللطم (2)

ديوان الدموع الناطقة للشاعر جابر الكاظمي الجزء الاول في قصائد اللطم (2)

حسين مني وأنا من حسين

(موشح)

چـــبد أبـــو اليمه السهم من صابه ** صوّب إبــچــــبد الــرسول اصوابه

* * *

عگــــب مـــا ودّع أبو اليمه الحرم ** وطلع آخر طــــلعه مــن بين الخيم

إخــــذ وطــــر المرجله ولن السهم ** صاب چــــبده ومــــا خـــط صوّابه

* * *

حسيـن بصواب السهم بالچبد حس ** وأشد من طعن الرماح السهم مس

أحنه صدره فوگ كربوس الفـرس ** ودمه صوابه لوجهه صار اخضابه

* * *

السـهم مض وصار مطلاعه الظهر ** وچــــن المــــحتّم لبــو اليمه سدر

جبــــهته مفضوخة بصواب الحجر ** وبــــعد بس سيــــف الشمر طلاّبه

* * *

صــــاح بـسم الله ومله الچف بدمه ** صابــــر ومحـــتسب وارما للسمه

نــــزل للمصــرع بأصاويب وضمه ** وعيــــنه ظلّت شابحه أعله أطنابه

* * *

شــــــاهد العـــــسكر عــالخيم هجم ** صــــــاح يـــــالما إلكم اذمام وشيم

اگصـــــدوني ولا تـــروعون الحرم ** وللخـــــدر لا تـــــهتكون إحـــجابه

* * *

والشـــــمر جــــاوبه حگّك هالطلب ** وطــــلّع الجـــيش التوسط بالطنب

وللــجريمه السـيفه من غمده جذب ** إشـــلون سيـف اللي الشمر جذّابه

* * *

ســــيف شر والشر يلوح ابصاحبه ** وابــــن ســـــعد لــــهالمهمه نادبه

الگطع منحر خامس أصحاب العبه ** رِگـــه صــــدر ابن النبي وما هابه

* * *

فــــوگ صـــــدر حسين أثنه ركبته ** وللــــذبح وسّــــط الســيف برگبته

الــــراس فوگ الرمح زينب شافته ** ويّـــه راــسه تلوح روس أصحابه

* * *

عـــالخيم اگبــــــلت غارات الخيول ** من خيمهن طلـــــعن بنات الرسول

شــــافن إعلــه حسين خيّاله تجول ** وچــــفّنه المــــصرع بذاري ترابه

* * *

إطـلعت زينب مـن خدرها المنسلب ** شـــاهدت حـــــرگ المخيم والنهب

مــــثل نـــــار البـــالخيم نار الگلب ** نــــار مــــا تطـــــفه وبــگت لهّابه

***************************************************************************

والعصر

(موشح)

يـــا سُــــورَ الأحـــكام يــــا آيـــاتها ** يــــمته تــــاخذ للســــلف ثــاراتها

* * *

يــــا بقيّــــة هــــاشم البــــيك الأمل ** يــــا أصــل (حي على خير العمل)

الــــناس ردت تــــركع لـعزّه وهبل ** ولبــــست الـــذلّه حـسب مرضاتها

* * *

وشيــــعتك متــلذّعه ابجمرة الـنوح ** ومــا حصل بيها اليعمّر عمر نوح

جســـوم تنظرها لچن ما بيها روح ** والاحــــياء اتــساوت اويه امواتها

* * *

يــــا عـــــمود الدين يا ركن اليقين ** طــــلّسم اســــمك وسر الله المتين

لــــيمته نظل نحسب شهور وسنين ** واللّــــي تـشكي من يحل شكواتها

* * *

مـــا يحل شكوه الحبيب الّه الحبيب ** ومحد أيـــداوي العلل غير الطبيب

واهم الگال السهم يخطيي ويصيب ** عـــدانه تــرمي وما خطت رمياتها

* * *

يـــا طبــــيب العـــــلل علتنه النفاق ** والفــــتن عـــدنه الذّ من كل مذاق

والشــــعار الــــلي نحمله الانشقاق ** واللــــي تـــنكر تــبگه هيّه وذاتها

* * *

ويـــن ميــــميل الـــهـوى ويا نتّجه ** وكل زمن نظهرعلى الشاشه بوجه

والـــذي اتــــصلّح خــــطئنه وتنتبه ** انــــگول هـــذي خاطئه ابنظراتها

* * *

نـــرفض اللي توگف اعله المرتفع ** حيث تعرف كــــل زوايــه المجتمع

وتعرف الناس التعيش إعله الخدع ** وتكـــشف الـــــدنيه وسُبل غاياتها

* * *

الـــعدو واحـــد واحنه آلاف الرجال ** لچــن يا وسفه نعيش إعله الخيال

لــــو صــــــدگ أحرار ندخل للقتال ** وللمــــعارك نلــــتزم رايـــــاتــــها

* * *

يــــا طبـــــيب إنـــــريد لـلـعلّه شفه ** وبعد ما يحوج مرضنه انــــوصفه

چفـــــك بـــــيا يـــــوم يآخذ مرهفه ** ويـــــرد لـــلأمه زمــــان الــــفاتها

* * *

نـــنتظر صـــوتك من الكعبه يصيح ** الـــوعد حـــان ويـــا لثارت الذبيح

وينـــضمد كل گلب من عدنه جريح ** وتــــرتفع مـــن شــيعتك أصواتها

* * *

اشـــمحله من تهتف بثارات السلف ** اليــــوم عــــن الغـاضريه مختلف

وبعــــده دم حســــين لسّا ما نشف ** والـــيتامه مــــا تــــجف عـــبراتها

************************************************************************************

البدور الهاشميّة

(موشح)

هاشم إبدمــــها تـــــغيّب نــــــورها ** جسومها امغسّله ابفيض انحورها

* * *

هاشم أمـــست بالطفوف بأشد حال ** الروسها عن الجسوم السيـف حال

گوّضـــت والسلب عگب الأهل حال ** بالخيم والعـــده اتــــزايد جـــورها

* * *

وانـــسلب خدر الحرم عگب الحمه ** وراح خدر الــــعايــله وراح الحمه

ابـــــغرب ظـلّن والگلب منهن حمه ** على الحومه البيها مهوه ابدورها

* * *

امـــــسلّبات اطـــــلعن ضجّن بالنده ** صاحن العــــهدك يـــــبو اليمه نده

لاچــــن الــــلي طــــايح ابولية نده ** بالظليمه اعــــداه تـــــاخـــذ دورها

* * *

يــــا حـــــمانه چـــــنّه بحماكم ولن ** إجموع چتـــــالتك لعيــــالك ولـــن

ولا گلب حـــن عـــلى أيتاماكم ولن ** والفواطم سلّـــــبوها اخــــدورهـــا

* * *

بــــالهظم زيــنب لبو اليمه اوصلت ** وروحها جــــالت إبلهفتها اوصلت

بيد خوّتـــــها ومـــــدامعها اوصلت ** جروح أبو السجاد عِزها وسورها

* * *

وظلّت إعــــله الثره ابناظرها ترب ** شافت اخوتها الصريعه اعله الترب

نـــــادت الغـــــربه الحـرايركم ترب ** والمصيبه عــــگب أهـلها اتدورها

* * *

وگلب زينب للنــــهر مـســـرع عده ** يشكي حــــال الـعايله وجور العده

الــــساعدك چفّــــك يبو فاضل عده ** واجلي حزن العــايله من صدورها

* * *

عاتــــبت عـــــباس زينـــب وألمت ** غربتي وطيحتــــك بالطف والمت؟

والعــــده للحــــرم عگــــبك والمت ** هِزِل متعوبه ونحــــــيفه اظهورها

* * *

اشلون مـــرّ انهار بيه اشلون مس ** عالفواطم والأطـــفال ابخوف مس

وجمر نـــار امخيّمك والعطش مس ** اگلوبها وچــــفك مــصب ابحورها

* * *

گـــوم باصـــــرني لون صار اليسر ** وبالظعن لليــــسر چـــــتالك يــسر

حـــالي لابـــن ازياد والشامت يسر ** وتحيي عيد الظفر وسط اقصورها

*******************************************************************************

الزهراء (عليها السلام)

حــــرت وعيـــــوني مــــا ينشـف دمــــعها

صـــــدگ أم الحـــــسن كســــــــروا ظلعها

أريــــد أتــجاوبوني ** أريـــد أتـــجاوبوني

* * *

وگـــــفت ابّــــــاب ام الحســـــن مــــــحتار

أريــــــد أنــــــشد بعـــــــد مـــا ظلت أفكار

صــــــدگ محـــــــسن وگــع يم عتبة الدار

والـــزهره ابصــــــدرها نبــــــت بــــسـمار

وروحــــي حــــسّت اليوم ابجزعها ** العقــــيده بـيا وضع أمسه شرعها

أريــــد أتــجاوبوني ** أريــــد أتــجاوبوني

* * *

ســــــؤال وعـــــــلى لســـــان الـــكل تردد

بــــــــت مـــــــــن فــــاطمه مو بت محمد؟

ليــــــــش الــــــطاغيه اعلـــــــيها تـــــعمد

وابـــــــرمياته عـــــــــالإسلام ســــــــــــدّد

تصيــــح أشـــلون حيدر ما سمعها ** وهـــوّه الضـــــمد للزهره ودرعها

أريــــد أتــجاوبوني ** أريــــد أتــجاوبوني

* * *

أشــــلون أهــــل الغـــــدر والـــكفر والشر

ظـــــلع أم الحـــــــسن مــــــنهم تكـــــــسّر

مــــــن طــــــاح الطـــــــــفل چـاوين حيدر

مـــــا يـــــــدري أظن بالـــــــنار تــــــسعر

وروحـــي اتـــــناشد ابلوعة فزعها ** صـــــدگ هالثـــاني للوادم خدعها

أريــــد أتــجاوبوني ** أريــــد أتــجاوبوني

* * *

ظلـــــع الطــــــهر حيـــــن الــرجس رضّه

صــــــاحت صـــــــوت وتــــــنادي يــفضّه

محــــــــسن وگــــــع وحــــــــشايه تــلضّه

رگـــــد حـــــــيلي بـــــــعد ما بـــيّه نهضه

وفــــضّه تــــــنادي واتغيّر وضعها ** ليـــــش الــــوادم التــــزمت بدعها

أريــــد أتــجاوبوني ** أريــــد أتــجاوبوني

* * *

احـــــــتارت فـــــــضّه مـن سمعت الزهره

تـــــــشكي مـــــــن الظـــــــلع وآلام كـسره

اوگـــــــفت يــــــــم فـــاطمه تسچب العبره

وگــــــلبها بــــــــــعد مــــــا يـمتلك صـبره

وصــوت الــــنايبه لفـــضّه صدعها ** المــكيده ابصورة الناس اشطبعها

أريــــد أتــجاوبوني ** أريــــد أتــجاوبوني

* * *

دم عيــــوني فــــــاض إويـــــه المـــــدامع

مـــــن هــــــالوادم التــــــهوى المــــخادع

وحيـــــــدر بــــــــالغصب اخـــــذوا يــبايع

السقــــــــيفه أسســـــت كــــــل المــــطامع

اتعـــنّت للوصـــــي ابــدافع طمعها ** وهـــــاي التـــفرقه يـــا هو جمعها

أريــــد أتــجاوبوني ** أريــــد أتــجاوبوني

* * *

تــــــگيّد حيــــــــدر مــــــن الــــدار بأنجاد

أوبعـــــــده گيّـــــــدوا رگبــــــــة الســـجاد

هـــــــالأصفاد تشـــــــــبه ذيــــــچ الأصفاد

مــــــــن چتّفوا رگبــــــــة زيـــــــن الــعباد

وچـــــفوف الگــمر يا هو الگطعها ** زيــنب عـــن أبــــو اليمه أشمنعها

أريــــد أتــجاوبوني ** أريــــد أتــجاوبوني

********************************************************************************

الشأن الأعظم

يــــا علي شانك ** مـــا گدر واحد يوصل لأسراره

* * *

كـــل مغرم ايوصّف حبيبه باسلوب ** ابحكم انشراحـــه

بعــالم أوصافه لوسرح گلبه ايذوب ** بـــوردة مـــلاحه

وآنــه انغمر لمن اوصف المحبوب ** احچــي ابصراحه

يــــا علي شانك ** بوصفك العگلــي حيّرت افكاره

* * *

لـــو حــانت الساعه وتدور الراحه ** والراحـــــه راحه

بكوثر ولائـــك راحــــة أهل الراحه ** والراحــــه راحه

والـــلي هوى براحك تصافح راحه ** مـــا تــــرد راحه

يــــا علي شانك ** سلك النجاة ومنــهجك تــــيّاره

* * *

من يوصف العاشگ نتيجة إحساس ** منــــــبع غرامه

ومـــن الولايه اتناولت أطيب چاس ** چــــاس النــدامه

معــرم تراني وخل يلوموني الناس ** كــــل الــــــملامه

يــــا علي شانك ** بهجة دليلي ومصدر استبشاره

* * *

كـــوثرك مــــا يـحصل الذْ من مايه ** والرحـــــمه مايه

بــــحر العــــزم بــسمك تلاطم مايه ** يا عــــزم مــــايه

ويــــنحرم منّــــه العن طريقك مايه ** مــــن سوه مايه

يــــا علي شانك ** بالشدد هوّه اللي يـحامي جاره

* * *

يـــا بـحر جود الباري والعالم صار ** قطــــره بوجودك

وأنـت بسرادق عرشه تسطع أنوار ** شــــــعلة ورودك

والمـرسلين ارشفت چاس الأسرار ** مــــن بحر جودك

يــــا علي شانك ** ابعرش الجلاله تــزدهر انواره

* * *

يـــا وصـف ذات الخالق وذاتك نور ** افق المـــــــعالي

مـــن نور علمك هاي الأكوان تنور ** وسبــــع العوالي

جنّنــــي حبّك يا علي وفكري يدور ** بعــــالم مثـــــالي

يــــا علي شانك ** خلّه العوالم بــالوصف محتاره

* * *

يــــا أســـــم الأعظم يا جلالة حرفه ** أســــراره حرفك

أتحفك ربــــك مـــــن لآليء وصفه ** وانعشـگ وصفك

ونـفسك انصاغت من جواهر لطفه ** وازدهـــر لطــفك

يــــا علي شانك ** بحر اللــــطف والأنبياء أنهاره

* * *

يــا بـهجة الطور الزهت من سيناء ** واضــــح ســناها

وروحـك براها الباري گبل الأشياء ** مــــن مبـــــتداها

وجوهـــرة روحك من كنوز العلياء ** ربّــــك حــــــباها

يــــا علي شانك ** وربّك صهر ذات القدس واختاره

* * *

يـــا ثــــروة العـــلم الإلهي المكنوز ** ابكنــــز الجــلاله

ومفــــتاح هـــالكنز ابيقينك مغروز ** وبيــــك امتـــثاله

هـــاي الرتــب محدّ گدر إلها يحوز ** غيــــر الأصـــاله

يــــا علي شانك ** غصن المحاسن والرسل أثماره

* * *

يـــا طـالعة شمس المجد والتقديس ** تزهـــي ابصفاتك

لاهوتـــي وصــــفك للمعالم تغريس ** ابـــــدورة حياتك

وزهرة علومك أزهرت بالرسريس ** والثــــمر ذاتــــك

يــــا علي شانك ** عبّد طــريق النـــــهتدي بآثاره

* * *

يا علي بمبدأ حبنه شفنه المضمون ** قـــول الرســـاله

مــا يعرفك غير أنه وخالق هالكون ** رب الجــــــــلاله

والــيدخل ابـــروضة ولائك مأمون ** ابطيــــبة خصاله

يــــا علي شانك ** ميزان حـــق المجتمع وأخياره


********************************************************************************

الثورة المحمدية

ثــــائر ابـــروح الإيمان ** بالثـــوره شرح القرآن

أفــــكاره مــهبط جبريل ** بالغاضـــرية التــــأويل

بـــالثوره شـرح القرآن

* * *

ثــــائر واهـــــداف الــشرع أهدافه

مجموعه أوصاف الرسل باوصافه

وثــــقل النـــبوه ارتكز فوگ اكتافه

وأهـــدافه تـــبعد عن رمي الهدّافه

حـــكم الكــــتاب ابيمناه ** والنصـــر لاح ابـــعيناه

يـــحكم ابـــحكم التنزيل ** بالغــــاضريه التــــأويل

بـــالثوره شـرح القرآن

* * *

حــــج واعتمر وابهمّه شد اظعونه

وســـورة التـــوبة تجسمت بعيونه

وانصاره أهـــل المجد ساروا دونه

ميمونه صــــاحوا ثـــورتك ميمونه

مـــن مـــكه طلعوا ثوّار ** من اهـــل بيت وأنصار

عـن سيرة الحق متميل ** بالغـــاضريه التـــــأويل

بــــالثوره شرح القرآن

* * *

ثـــائر ولمّـــــن حـان موعد مسراه

أربـــع أوصـاف الظعن سارت ويّاه

العفّه بشمــــاله والمجــد عن يمناه

والنـصر صار ابوجهه والعز بگفاه

بها الظعن مجموع الدين ** مـــن الألــه التعـــــيين

حــــادي الظـعن ميكائيل ** بـــالغاضريه التـــأويــل

بـــالثوره شــرح القرآن

* * *

اســــرار هذي الثوره جوهر مكنون

وابسورة الإخلاص شرح المضمون

صفـــوه وبأحكام الشريعه ايحكمون

يـــوم الغنــــايم للنـــصر يغـــتنمون

رســـموا درس للأجيال ** من شرح سورة الأنفال

خمس الغــــــنايم تكميل ** بـــالغاضريه التــــأويل

بــالثوره شــرح القرآن

* * *

مـــن حلّت بــأرض الشهاده الثوار

ركعوا وسجــــدوا للعــــزيز الجبار

ونصــــبوا خـيام امخدرات المختار

وبالرايه راعي الرايه ضارب استار

دركـــت الـــحرّه الغـايه ** يحميهـــا راعـي الرايه

ويــرجّف اصحابه الفيل ** بالغاضـــريه التــــأويل

بالثــــوره شرح القرآن

* * *

قـــائد الخـــــطة ثـــــورته راسمها

نـــــاده بحبـــــيب الميمنه اتسلمـها

وصــــاح بــزهير الميسره اتقدمها

وقــــائد الـــــرايه الرايـــته ايكلّمها

هـــالرايه ماضيها يعود ** والصارم ايصير اشهود

يمــطر حجر من سجيل ** بــــالغاضريـــه التـأويل

بالثـــوره شـرح القرآن

* * *

مــــن بــعد القاء الحجج عالعدوان

للحرب دخــــلوا منها شيب وشبان

رفعوا ابأطـــراف الـــرماح الميدان

وخمسين منهم هوت فوگ التربان

والـــقائد ابدمها يشوف ** للمصحف اتخط احروف

ورنّـــة الصـــارم ترتيل ** بــــالغاضريــــه التأويل

بالثــــوره شرح القرآن

* * *

لمّن هـــوت بـــالحومه كل الأنصار

للمعــــركة اتـــــقدّم شــبيه المختار

وبــــعده الهـواشم غدت تاخذ ادوار

وثــــائر الــدين استوحدوه الأشرار

مـــن انـصرع عالتربان ** كملت حـــروف القرآن

دم الـــنحر ليـش ايسيل ** بـــالغاضريــــه التأويل

بالــــثوره شرح القرآن


***********************************************************************************

مصير الأمة

يحســين الـــحگ اوياك ** للـــدين اتضحي ادماك

بـــأيامك شفـــت الوادم ** منجــرفه لصوب الظالم

والظــــــــالم يــــتـحداك ** يحســـين الحــگ وياك

* * *

مو ملحـــمة شــــاعر نضــــمها بأقبال

ولا مــدبر ومـن خوفه ينسه اشما گال

لاچــــن نـــــريد انـــــسير ويّه الأجيال

ونــــدرس أحــوال الناس عالهالمنوال

ونـشوف الناس اشلون ** عالحــــق من ينگلبون

ونسـمع اصوات الوادم ** چم صــوت يريد الظالم

وشچــــم صوت الناداك ** يحســـــين الحگ وياك

* * *

خــــل نبدي من يوم الغدير ونسمع

خطبـــة الهادي ونبتدي من المطلع

ونشد أمـــــر هــــــالأمه المن ودّع

وچـــــم واحــــد الأيّد خطبته وبايع

يـحسين وتدري شصار ** لمـــــن راح المخــــتار

راح الحــــگ وتشريعه ** وانّقضــت ذيــچ البيعه

وحيدر تـدري اشوصّاك ** يحسين الحـــگ ويـاك

* * *

يحسيـــن ذاك الجمـع چنت اتشوفه

نفس الأشباح إتمثــــــلت بـــالكوفه

وغــــاية مكــــــيدتهم الك مكشوفه

والكوفه باوصــاف الغدر موصوفه

مــــن اتـــــخـونك لتلوم ** هالگــــوم ابناء الگوم

والـــــلي اتـــأيد ظالمها ** من اتخــــونك شيهمها

لـــــو حــــاربت العاداك ** يحسيـــــن الحگ وياك

* * *

يـــوم الغـــــدير وكربلا نفس اليوم

وما تختلف هالگوم عن ذيچ الگوم

بالنبل من يــــرمون جــسمك لتلوم

نفس السهام الرمت نعش المسموم

انــــضمت ذيــچ الاحقاد ** واتـــبيــــــنت بـالأولاد

والابـــن اليــــطلع حاقد ** گــــول السر من الوالد

والــــباطل مــــــا يدناك ** يحـــــسين الحگ وياك

* * *

يحـــــسين إنـــــته الما تساوم إنته

للطاغي ما يـــــوم بــــــأمر داهنته

تصـــــريح بلسان الشرف صرّحته

للظـــــالم اليـــــركن يــــبيع آخرته

ويــــن اليــفهم شتگول ** وايــــطبّق بـــــالمعقول

ويـترك ناس المنصاعه ** للظـــــالم والأطــــماعه

وچــــفّه ايصافح يمناك ** يـــــحسين الحگ وياك

* * *

يــــحسين مـــن شـفت العنيد اتجبّر

وبــــالكوفه ثبّـــت قاعده گوم الشر

بـــــالقوه چـــــان اتـــبايعه يتصور

مــــا يــــدري انته لثـــورتك تتنطر

مــــن عــــــادات الثوار ** ما تـــــذعن لـــلاخطار

لنـــصرة غايتها اتجاهد ** وما تـــخلف من اتعاهد

هــــالاوصاف ابــمعناك ** يـــــحسين الحگ وياك

* * *

يحـــــسين الشــــيــدت ركن الإسلام

ابفيض الدمه وهدّمت عرض الظلام

مـــــوقـــــفك خــــالد بالدهر والأيام

بـــــذكراك نتــــمسك وآبـد ما ننظام

فـــوگ الاخطار اندوس ** للديــن انضحي انفوس

يللي ادرسنه ابمنهاجك ** ودمنه ايفيض بأوداجك

انخــــلّد بـــــالدم ذكراك ** يحـــــسين الحگ وياك

* * *

يـــــحسين أول قـــائد انته عرفناك

تــــــنذبح وابــــــدمك تــخلّد ذكراك

واحـنه المشينه ابنهجك وعاهدناك

بهـــاي المسيره آخره ودنيه اوياك

دمـــــنه أيـــــردد انشاد ** مـــــا نــــخلف بالميعاد

ثــــــائر وايــــعاهد ثائر ** مـــا يسلك درب الجاير

دوم انســـــير ابمسراك ** يـــــحسين الحگ وياك

********************************************************************************
.دستور العقيدة

هــــــالحـــــوفـــــه دســـــــتور ** تـــــتــــوهـــــج إبـــــــــنـــــور

واشـــــما تـــجــــــــور الأيـــام ** مـــــا تـــــطفه شمـــــعة جسام

تـــــتوهــــج ابــنور

* * *

دســـتور ســـر التضحيه لو نبدي باستعراضه

انشاهد حـــروفه امطرّزه من دمومها الفيّاضه

دستور يزهـــــر بـــالمـجد ما تضمحل ارياضه

أسراره تظهر من گلــــب هــالمعرس بأنباضه

مــــن تــــــزهي بـــــــــــالكون ** اتــــــوضّـــــح المـــــضمــــون

وتــــــفسير ســـــــــرها بأحكام ** مــــا تــــــطفه شمـــــعة جسام

تــــــتوهج ابـــــنور

* * *

لــــو كـــرّست فـكرك على هالتضحيه وغايتها

اتشاهدها صوره منوره إبشمعة وفه صورتها

واللّي رســـمها ابــحوفته شاب وضمن عزتها

مـــن الـــوريد المنـگطع تالي ارتوت روضتها

بــــــــالدمــــــــه الفــــــيّـــاض ** اتــــــوضّح اســـــــتــــــعراض

هــــــاذي عـــــــروض الإسلام ** مـــــا تـــــطفه شـــــمعة جسام

تــــــتوهج ابـــنوره

* * *

كثــــره المـواقف تحتوي من مطلعه التگطيعه

وكل مــــــوقف ايحـــــتّم رسم يتجسم ابتنويعه

لو ردنــــه بيــــها نبتدي خل نبدي من توديعه

چم گلب لمّــــن ودّعــــه بـــوداعه نشّف ريعه

وشــــــچــــم گــــــــــلـــب ذاب ** مـــــن جـــــــمر المــــــصـــاب

واشـــــــما تـــــــزيـــــــد الآلام ** مـــــــا تـــــطفه شـــمعة جسام

تـــــتــوهج ابــــنور

* * *

شــاهد اگـــباله ابخيمته حوفة عرس منصوبه

من ودّع اُمــــه ابـضامره جمرة حزن منشوبه

يعرفهـــــا رمـــله ابيا سهم متلوّعه ومصيوبه

عمك يجاسم نـــادته صــــيحه ابدمع مصحوبه

خــــــل نـــــــسمــــــــع امـــــه ** اشــــــــوصتــــــــه ابــــــعـــمه

ابــــــدم هــــــامتك خـــط وسام ** مــــــا تطــــــفه شـــمعة جسام

تــــــتوهـــــج ابنور

* * *

يـــــبني يجــــــاسم نادته هاك اخذ دمعة عيني

توصفلك اعـــهود المـــضت ما بينك وما بيني

جاوبها أعرف غايـــــتچ وشـــــرايده توصيني

وصّــــاني گــــلبچ والدي افتدي بروحي لديني

وصـــــــــــانــــــــي عــــــودي ** ابـــــــــــــــذل جـــــــهــــــودي

مــــــن يــــــنهدر دم الهـــــــام ** مـــا تـــــــطفه شمـــــعة جسام

تــــــتوهج ابــــنور

* * *

أدّه المــــراسيــم وحــــمل وابــچفه زم خطّافه

وذكّـــرها بعـــــهود الســلف للّي نست أسلافه

وعن جده حيــــدر بالحرب ما تختلف أوصافه

ولو كبّر ابوجـــــه الـــــــزلم تـتراجف السّيافه

مــــــن هــــــاي الأوصـــــــاف ** يـــــــرجــــــــف الســــــــــيّاف

إبـــــــجمرة الـــــصارم ضــرّام ** مـــــا تـــــــطفه شـــمعة جسام

تـــــتوهــــج ابــنور

* * *

چــف الشهاده إمتد إله وحصل على اللي راده

شـــرّف الكـــــون ابـــغايته وقدسية استشهاده

وثـــــغر امــــــه بافراح وحزن يترددن انشاده

واعـــــدني جـــاسم بالوفه وما أخلف ابميعاده

مـــــــــن نــــــار الـــــدمـــــوع ** علــــــگت إلـــــه شـــــــمــوع

تضــــــويــــــلها ابــدرت الشام ** مــــــا تــــــطفه شمـــعة جسام

تـــــتوهــــج ابــنور