الفقير ..شعر روعة

الفقـــــــــــــــــير
على جروحي غفيت ياليل الهموم 
تلكَاك الصبح بالهم يوعيــــــــك
اذا راد الفرح يتسامر ويـــــــاك 
يلم الحزن الوكت كله ويجيك 
تعلم بيك الوكت يزرع احزانه
وكبل وردك يحصدك ويخليك
يرد بيك التعب وفراشك الكاع
ويكص منك لحم وعظام يرميك
فقير ودمعتك مومثل الدموع
من تبجي دمعاتك تسليك
عماك وخلة عينك متر ماتشوف
وتضم روحك اذا صاحب يلاكَيك
بس غناة النفس اعظم من غنى المال
خل روحك ابية وكلشيء يرضيك
ماكو أنسان يكتب رزق لانسان 
اذا ماراد رب العرش ينطيك
ترى دنياك عكرب مالها عيون
تلدغك وبذنب غيرك تداعيك