بس محنه أدموع تبجي أعيونه

بس محنه أدموع تبجي أعيونه

خاف من كثر البجي تغيرونه

وخاف ما تلزمنه أدينه 

من تموت الدمعه بينه


وخاف من تصحون ما تلكونه

بس محنه أدموع تبجي أعيونه

.......................


بالدمع خطينه فوك أخدودنه

عطر بالهم نبجي مثل اورودنه

ولمن شميتو صبرنه 

حيل حبيتونه

أنخاف لا يخلص عطرنه

شكثر شميتونه

بعين الأنصاف شوكت تقرونه

وخاف من تصحون ما تلكونه


.....................

مثل موت الشمع سكته بموتنه

نخاف تزعل ناركم من صوتنه

ساكتين من أحتركنه

شلون بعد شلونه

وصرنه لو يوم أفتركنه

نشتهي أتحركونه

باك شعر الراس ضحك أسنونه

وخاف من تصحون ما تلكونه

...............................

عدنه روح الما تبدل ثوبهه

طيبه تنزف من طعن محبوبهه

ليش ماقدرتو حبنه

وصدك ما عشتونه

ونكص لو جعتو كلبنه

وبالشبع تنسونه

الزاد من يزعل يذل ما عونه


وخاف من تصحون ما تلكونه