اعلان نتائج القبول المسائي للكلية التقنية الادارية بغداد باب المعظم 2010-2011

اعلان نتائج القبول المسائي للكلية التقنية الاداريةبغدادباب المعظم 2010-2011

السلام عليكم شلونكم شباب وبنات
عساكم بخير حبايب

اليوم تم اعلان نتائج القبول للدراسة المسائية بكليتنا
اني جنت اليوم هناك وشفت النتائج موزعة والاسماء منشورة كدام التسجيل
بالكلية انتبهت عله قسم المعلوماتية انقبلوا بيه 76 طالب وطالبة

ف حبايبنا الي مقدمين مسائي خلي يراجعون الكلية وكدام قسم التسجيل يشوفون اسمائهم والنقوصاات الي عدهم لان هوايه ناس عدهم نقص بالوثيقة
ف تعالوا شوفو نقوصاتكم لان حسب ماكالت موظفة التسجيل انه باجر الي هو الاثنين 1-11
راح تطلع الشعب والدوام يبدي من عكب باجر
بالنسبة الي يطلع عدهم نقص وثيقة لازم تاخذون كتاب من الكلية من التسجيل للاعدادية مالتكم
وهذي النوعية من الكتب حسب مكالت الموظفة راح تبدي تنطيها عكب باجر
هذا الكتاب تاخذه وتروح للاعدادية وتجيب وثيقتك وتصدقها منا لتربية كلمن والمديرية مالته
والموظفة كالت انه الي طلع اسمهم بالقبول يكدر يجيب الوثيقة عله راحته

اتمنى اكون فدت الي عدهم استفسار عن هالمسألة

واسف عله الاطالة
تقبلوا خالص تحياتي