ديوان الدموع الناطقة للشاعر جابر الكاظمي الجزء الاول في قصائد الگعدة الأسرار

ديوان الدموع الناطقة للشاعر جابر الكاظمي الجزء الاول في قصائد الگعدة

الأسرار

أســـــــــــرار أســـــرار ** هــــذا الـعــــالم أسرار

واليـــــتّـــبـــع أخـــباره ** يـگــدر يكشف أسراره

هــــــــذا الـــعالم أسرار

* * *

كـــل بشر حسب إطلاعه يكشف أسرار ابفكرته

واحد اتوصلــــه البحوث وواحد اتوصله فطرته

أو واحـد ايشوف الحقيقه ابعينه وايغالط نظرته

واحــــد يــــعجـــــبك ظـــــاهره ** ومـــا تــــدري شنهو ابضامره

وواحـــــد طــــــفل تـــــتصوره ** وهـــــوه عـــــلاّمه ابـــــخبرته

أنــــــــــوار أنـــــــــوار ** نـــــهج الــــــعلم أنوار

واليـــــهتدي بــــأنواره ** يگــــدر يكشف أسراره

هـــــذا الــــعالم أســرار

* * *

بالعـــــلم كـــل شخص يگدر ينظر الحق بأطلاعه

هـــذي جوله ابلا نهايه الحق مع الباطل صراعه

من بـــــدأ تـــــكويـــــن آدم لحد ما تُعلَن الساعه

ابــــواقع نعـــــيشه وبــــالكـتب ** بــــاطل وحـــگ دوم ابـــحرب

ننتــــــظر والنــــــاتج صــــعب ** اتـــــفوز يـــــا قـــــدره إبّراعه

أدوار أدوار ** حــــرب انقسمت أدوار

والـلّي أيــسلسل ادواره ** يگـــدر يكشف أسراره

هــــذا العــــالـــم أسرار

* * *

انســلسل أدواره ونشوف الباري من كوّنه لآدم

حـــــذّره مــــن ابـــليس گلّه لا تتابع رايه تسلم

ليــــش خــــالف أمــــر ربه واليخالف ربه يندم

لهـــذا الــــنبي ابـــليس اخدعه ** وابــــجولة الــــحرب اصــرعه

لــــو چـــــان للــــــربّ طــايعه ** علـــــى الشِــــجره مــــا تــقدم

مـــــــحــتار مـــــحــتار ** آدم صـــــبح مــــــحتار

يــــريــــد الذنبه اغفاره ** يـــگدر يكشف أسراره

هــــذا الــــعالـــم أسرار

* * *

بـــالتسلسل نبگه نمشي ونطّلع عن ثاني صوره

ليــــش قــــابـــــيل إبن آدم غدر هابيل ابشروره

لــــو طـــمع چان اليدفعه؟ لو فعل ناتج غروره؟

وابــــفكرك اتــــعــــــمّق بــــعد ** واتــــــشوف ابــــن نوح انفرد

عـــــن الســـــفيـــــنه من ابتعد ** بــــالهلاك انـــــكشـــــف دوره

أضـــــــرار أضـــــــرار ** ظـــــلم النــفس أضرار

واليـــــجتـــنب أضراره ** يــــگدر يكشف أسراره

هـــــذا الــــعالم أســرار

* * *

نتـــــــركه العـــــــاد وثـــمود وكلمن اتميّز ابظلمه

ونـــــترك إبـــــراهـيـــم يم نمروده يتباصر ابحكمه

ونتركه الموسى وعصاته النزلت اعله الظلم نقمه

واليــــوسف انــــوجه النــــظر ** بــــأضـــــغان اخوته من انغدر

عـــــن والـــــده انـــكف البصر ** وعكـــف يـــــعگوب اعله همه

أشـــــــــرار أشــــــرار ** اخـــــــوة يوسف أشرار

وحقـــــد اخوته الغداره ** يگــــدر يكشف أسراره

هـــــذا الــــعالم أســرار

* * *

نرجع انواصل شرحنه ونوضع لكل نقطه مرصد

چــــم جمــــع مــــن هالتـنافر من بعد شمله تبدد

وننـــــظر المجــمع قريـش اللي بزغ منهم محمّد

كـــــوكــــب وخــــاتم للــــرسل ** ابــــدستوره يـــــجمع كل شمل

مــــا يـــــركن لبــــــرج الأفـــل ** ونــــوره لــــلأفكار فـــــرقــــد

أفــــــــــكار أفـــــــــكار ** مــــرسل محــي الأفكار

الــــراد أيـــــنوّر أفكاره ** يــــگدر يكشف سراره

هـــــذا الـــــعالم أسـرار

* * *

حــــاربـــوا نهجه قريش وظل رسول الله صامد

غـــايـــته يـــــأدي الرساله وثبّت ابمكه القواعد

وطلـع من مكه الشريفه امهاجر ابصيغة مجاهد

مـــن بـــــعـــــده چــم ثائر طلع ** لاچــــن المــــــكه مـــا رجـــع

فـــــوگ الــــرمـــح راسه ركع ** وجســــمه فــوگ الغبره ساجد

أحــــــــــرار أحـــــــرار ** حسيـــــن أيـريد أحرار

المـــد سلكه اعله تياره ** يـــگدر يكشف أسراره

هــــــذا العـــــالم أسرار

* * *

كـــــربلا اتـــــوضح حقايق بين حگ وبين باطل

بـــالنهايه انشوف يا هو الفاز بيها ويا هو فاشل

الگطِّعت جـسمه السيوف ابدمه وهّج هالمشاعل

بــــالدمه الـــــفاض ابــــمنحره ** شعــــــلة الحــــــــق امــــنوّره

بـــــالدهـــــر ظـــــــــلت زاهره ** وكـــــشفــــــت أســرار الأوائل

أبـــــــــــرار أبــــــــرار ** حسيــــن أيــــريد أبرار

ابـــــدمه تمــــم اظهاره ** يگـــدر يكشف أسراره

هـــــذا الــــعالم أســرار

* * *