ديوان الدموع الناطقة للشاعر جابر الكاظمي الجزء الاول في قصائد الگعدة رجوع السبايا

ديوان الدموع الناطقة للشاعر جابر الكاظمي الجزء الاول في قصائد الگعدة

رجوع السبايا


رجــع يــــحسين الظعن ** يريـــد يـــحسبلك محن

آنــــه زيـــــنب يــــبو اليمه اتكفلت هاي الايتام

گــــوم شـــــوف الغاضريه أشد لو محنة الشام

رجـــع يــــحسيـــن الضعن

* * *

يـــا حسين الظعن عوّد گوم وانظر حال ظعنك

رجع مــــن الـــشام لاچـن هـالظعن يعتذر منك

لليسر مغصوب راح ومـا حضـر ساعات دفنك

واُم الخــــدر نــــادتـــك يـــا والينه

اگــــعد ودلّــــينه اعــله گبرك وينه

هــــاليوم مـــن اليــسر للطف جينه

ارجــعنه تـــــدري ابيــــا وضع ** أگـــعد ومــــــنــي اســــتـــــمع

يــــالتـــگول ابگــــطع نحري اتحملت كل المهام

گـــــوم شــــــوف الغاضريه أشد لو محنة الشام

رجــــع يـــحـــــســــين الضــــعــن

* * *

مــن رحـــت عنــك يسيره وأتــركت جسمك مگطع

مــــا چــــنت أدري أشـــوفك بالگبر لو ردت أرجع

اشلون ترضه الغاضريه تصير الك يحسين مضجع

وعـــرش الجـــلاله يا شهم يتمناك

يصبح الك مضـجع ويزهي بمعناك

يحــــــسين لـــو تـقبل أتوسد ويّاك

ريــــــت يخـــــــلص هـــــالعمر ** ولا يشــــــوفــــــوني ابــــيسر

امــيسره وعــــــدواني تنـــظر إلي أبعين الانتقام

گـــــوم شــــوف الــغاضريه أشد لو محنة الشـام

رجــــع يــحسين الضــــعن

* * *

بــــاليسر يحـــــسين عگــبك نفّذت كل الوصايه

رفرفت عالعيله روحـي وعوّضت طيحت الرايه

انــــشد الــــراس ويخبرك باليسر راسك اويايه

شــاهـــدني لمـــن چنت ألم أطفالك

وشــــاهدني مــــن اتــكفلت بعيالك

وكـــل ســـهم رجعته ابگلب چتالك

الــــعيله مــــــا شــــــــافت ألـم ** مــــن عـــــگب حــــرگ الخيم

عـــالحرم خيّـمت روحي وعوّضت حرگ الخيام

گــــوم شــــوف الغــاضريه أشد لو محنة الشام

رجـــع يــحسين الضعن

* * *

يا حسين احسب سهامك وآنه خل أحسب سهامي

وشــــوف آلامـــك الأصـــعب وأشد لو شدة آلامي

لـــو گــلت مگطوع نحري جفني مثل النحر دامي

ولــو گــلت صوّبني الحجر بالهامه

اجبــــيني بـــالمحمل شابهه بآلامه

يــــحسين گــــلبك خــل يعد سهامه

انـــــصاب بـــــالطف فـــد سهم ** وشــــــاف مـــــن عـــنده الألم

لاچـــــن آنـــه من الشماته اتحملت كثرة سهام

گـــــوم شــــوف الغاضريه أشد لو محنة الشام

رجــع يـــحسين الضعن

* * *

اگـعد واحسب جروحك وآنه خل أحسب جروحي

وشوف جمر العطش أكثر يستعر لو جمر نوحي

والـــذي غيّــــبوا روحـــك باليسر غيّبوا روحـي

امــن الكوفه ومن الشام عانيت جروح

واليســــر مــــا خلاّلي مهجه ولا روح

ومثل الخيــــم تـــــستعر جمرات النوح

نـــــار گــــــلبي المــــــــضرمه ** مـــــن الـــــليالي المـــــظـــلمه

اعلــگت گــــلبـي لليـــــتامه ونوّرت ذاك الظلام

گــــــوم شــــوف الغاضريه أشد لو محنة الشام

رجـــع يــحسين الضعن

* * *

گلــــبي مثـــل الگمر يزهي ونوّرت ذيچ الليالي

والشـــــمس راسك يخويه عالرمح يزهر گبالي

عــــالرمح مــــرفوع طول الدرب يتفگد اعيالي

وبالدرب طفـله اعله الترب عفناها

وراســك ثـــــگل للطفله ظل يتناها

والــــناس تـــــنشد عنّـك اسمعناها

راســــــــمن هـــــــذا انــگطع؟ ** وعــــــالرمح لــــــيش انـرفع؟

جـــــاوبتهم بالمـدامع عالرمح راس الإمام

گــوم شوف الغاضريه اشد لو محنة الشام

رجــع يــحسين الضعن

* * *

گلــــبي بـــالكوفه والشـام اتمسّك ابميثاق صبره

والخيم مــــن وجّروهـــــا أصبحت مشعل الثوره

واحملت كل هالمصــــايب مـن أجل تنجح الفكره

يـــحسين اخــــــتك زينب وتدريني

ابــــصبر الگلب نجّحت ثورة ديني

واسبـــــيت بــــالشام الذي سابيني

زيــــــنب آنـــــــه الصـــــــابره ** ومثـــــــل شــــــخصك ثــــايره

امن اليسر يحسيـن اجيتك حصّلت أعظم وسام

گــوم شـــــوف الغـاضريه أشد لو محنة الشام

رجــع يـــحسين الضعن

* * *

يـــا حســـين اكشف تراب اللحد واتلگّه الضعينه

لمّن اينــــشدوني عنّــــك شرد اگول حسين وينه

گــــوم بـــــاصرني شــــجاوب لو رجعنه للمدينه

ويـــــن التـــــــكفّل بـــــــالحـرم

ومــــرفــــــــرف ابچــــفه العلم

وفــــــراگه أصعـــــــب كــل ألم

يــــبو اليــمه گـــوم وانظـر حالة العيله الــيساره

صوغه جابتلك اوياها النـصر وأعظم كــل بشاره

گـــــوم ردّلــــــها الجــــــميل ولا تخـــليها حياره

جـــــابتــــــلك بشـــــارة نصــر

لا تــــــغض عـــــــنها وتــعتذر

خــــــــمّد جـــــــمرها المـستعر

انــچان ما تگدر تردهن خلها تنحب فوگ گبرك

* * *